«Երիտասարդական ձեռներեցության ակադեմիա» ծրագիր

Ծրագրի մասին համառոտ

Հարավարևելյան Եվրոպայի Եվրոպական Հիմնադրամի Զարգացման Հաստատության (EFSE DF – European Fund for Southeast Europe Development Facility) և «Հաց աշխարհին» գերմանական կազմակերպության համաֆինանսավորմամբ «Կանայք հանուն զարգացման» ՀԿ-ն իրականացնում է «Երիտասարդական ձեռներեցության ակադեմիա» դրամաշնորհային կարճաժամկետ ծրագիրը։ Ծրագրի նպատակն է ԿՀԶ ՀԿ շահառու համայնքների երիտասարդներին տալ ձեռնարկատիրական գիտելիքներ ու հմտություններ, որոնք կօգնեն վերջիններիս բացահայտել ոլորտի գաղտնիքները, մշակել բիզնես գաղափարներ և հետագայում կյանքի կոչել դրանք։

Սահմանված չափորոշիչներին համապատասխանող 24 հայտատուներից դասընթացին մասնակցելու հնարավորություն են ստացել թվով 16 երիտասարդներ՝ ԿՀԶ ՀԿ շահառու Անուշավան, Սարապատ, Սալուտ, Թորոսգյուղ և Ցողամարգ համայնքներից։

Իրականացված գործողություններ

– 2-օրյա նախապատրաստական դասընթաց,
– Անհատական և թիմային նախնական բիզնես գաղափարների ներկայացում և քննարկում,
– 4-օրյա արտագնա դասընթաց Աղվերան բնակավայրում,
– Անհատական խորհրդատվական հանդիպումներ,
– Ուսումնաճանաչողական այցելություններ սոցիալական ձեռնարկատիրությամբ զբաղվող «Մաչանենց տուն», «Բոհեմ արվեստանոց-թեյարան» և «Սարվոր տուրիզմ» կազմակերպություններ, հաջողված փորձի ներկայացում,
– Մասնակիցների կողմից վերջնական բիզնես գաղափարների մշակում և ներկայացում հանձնաժողովին,
– 3-ամսյա ծրագրի ամփոփիչ միջոցառում և մասնակիցների գիտելիքների գնահատում:

Դասընթացի հիմնական թեմաներ

– Ինչպես ճիշտ ընտրել բիզնես գաղափար
– Ինքնակրթության դերը բիզնես ոլորտում
– Թիմի կառուցում, առաջնորդություն և քննադատական մտածողություն
– Ինչ է սոցիալական ձեռներեցությունը
– Սոցիալական ձեռներեցության ազդեցության մոդելներ
– Բիզնես ռազմավարության հիմունքներ և զարգացում
– Առաջարկվող արժեքի կտավ
– Բիզնես մոդելի կտավ (CANVAS)
– Ռիսկերի գնահատում, SWOT վերլուծություն և այլն։

Ծրագրի ժամանակահատված

Հուլիս – Սեպտեմբեր 2022թ․

Դասընթացավարներ

Ոլորտի հմուտ մասնագետներ՝

– Նազարեթ Սեֆերյան՝ սոցիալական ձեռներեցության անկախ խորհրդատու
– Ստեփան Սհոյան՝ Հայաստանում Խաղաղության կորպուսի ծրագրի ղեկավար Լիանա Միքայելյան՝ Հայաստանում Խաղաղության կորպուսի ծրագրի ղեկավար
– Արտաշես Նիկոլյան՝ ՙՌազմավարական զարգացման գործակալություն՚ ՀԿ Գյումրու մասնաճյուղի ղեկավար, բիզնես փորձագետ

Ծրագրի հիմնական արդյունքներ

– Սոցիալական ձեռներեցության վերաբերյալ հիմնարար գիտելիքներ ստացած 16 երիտասարդներ՝ Շիրակի մարզի 5 համայնքներից,
– Իրատեսական և ավարտուն 4 թիմային և 3 անհատական բիզնես գաղափարներ, որոնք ֆինանսական աջակցության դեպքում պատրաստ են դառնալ կենսունակ բիզնեսներ,
– Համագործակցության առցանց հարթակ ծրագրի մասնակից երիտասարդների միջև,
– Բիզնես մտածելակերպի փոփոխություն։

Ձեզ ենք ներկայացնում նաև ծրագրի ընթացքի մասին ամբողջական հաշվետու տեսանյութը