Հզորացնել և աջակցել Շիրակի մարզի գյուղական համայնքների կանանց և երիտասարդներին` իրենց համայնքների սոցիալ-տնտեսական զարգացմանը տեր կանգնելու, աղքատությունը հաղթահարելու և համայնքները դեպի բարգավաճում, խաղաղություն և կայունություն տանելու համար:
Տեսլական
Շիրակի մարզի գյուղական բնակչությունն ապրում է ներդաշնակությամբ, բովանդակալից աշխատանքով և հաջողություններով լի կյանքով, որը ոչնչով չի տարբերվում Հայաստանի մյուս քաղաքներում և գյուղերում ապրող մարդկանց կյանքից:
Հիմնական արժեքներ
– Սկզբունքայնություն (դրսևորվում է ՀԿ-ի կողմից իր առաքելությանն ու նպատակներին նվիրվելու և հավատարիմ մնալու մեջ):
– Հետևողականություն (արտահայտվում է իրականացվող ծրագրերի, գործողությունների և նախաձեռնությունների տրամաբանական և փոխկապակցված ընթացքով):
– Թափանցիկություն և հաշվետվողականություն (ՀԿ-ն պարտավորվում է ցուցաբերել թափանցիկություն և ազնվություն ինչպես ՀԿ-ի ներսում, այնպես էլ դոնորների և հասարակության անդամների շրջանում):
– Ճշտապահություն և օրինականություն (արտահայտվում է իր գործունեության ընթացքում շահառուներին, համագործակից կազմակերպություններին, դոնորներին, կառավարության ներկայացուցիչներին տրամադրվող տեղեկատվության ճշմարտացիությամբ):
