Հայոց բանակի կազմավորման 32 ամյակի առթիվ ԿՀԶ ՀԿ երիտասարդական ակտիվ կենտրոնների անդամների նախաձեռնությամբ շահառու համայնքներում կազմակերպվեցին տարբեր միջոցառումներ։
Օրվան նվիրված միջոցառումների շրջանակներում Անուշավան բնակավայրի երիտասարդները, դպրոցականներն ու բնակիչները ՝ վարչական ղեկավար Ե․ Հակոբյանի գլխավորությամբ նախ այցելեցին Անուշավանի զինվորական պանթեոն՝ ծաղիկներ խոնարհելու և իրենց հարգանքի տուրքը մատուցելու հանուն հայրենիքի նահատակված զինվորների հիշատակին։ Այնուհետև միջոցառումը շարունակվեց Անուշավանի Ս․ Սոսյանի անվան արվեստի դպրոցում, որտեղ գեղեցիկ կատարումներով հանդես եկան պարի և դհոլի բաժինների սաները, իսկ նկարչական բաժնի սաները ներկայացան օրվա խորհրդին նվիրված նկարների ցուցահանդեսով։ Միջոցառումը վարեցին և իրենց գեղեցիկ ասմունքով ու ելույթներով երեկոն համեմեցին երիտասարդական ակտիվ խմբի անդամները։ Միջոցառման ավարտին ամփոփվեցին նաև «Մետաքսե ճանապարհ» մրցույթի արդյունքները։
Հայոց բանակի օրվան նվիրված միջոցառումների շրջանակներում Մուսայելյանի երիտասարդական ակտիվ խմբի անդամ Մանե Վարդանյանի նախաձեռնությամբ հետաքրքիր հանդիպում և կինոդիտում էր կազմակերպվել համայնքի դպրոցականների համար։