ԿՀԶ ՀԿ գրասենյակում կայացավ ֆորում թատրոն խմբակների ղեկավարների այս տարվա առաջին աշխատանքային հանդիպումը։ Հանդիպումը նպատակ ուներ կազմակերպության շահառու նոր համայնքների խմբավարներին առավել մանրամասն ծանոթացնել ֆորում թատրոնների գործունեությանը, աշխատանքի սկզբունքներին ու առանձնահատկություններին։
ԿՀԶ ՀԿ կրթական բաժնի համակարգող Սուսաննա Ղազարյանը հանդիպման մասնակիցներին ներկայացրեց մինչ այդ կատարված աշխատանքները, ձեռք բերված արդյունքներն ու հետագա անելիքները։ Աշխատանքային հանդիպմանը ներկա էին նաև Ցողամարգ և Անուշավան բնակավայրերի ֆորում թատրոնների խմբավարները, ովքեր իրենց փորձով կիսվեցին շահառու նոր համայնքներից ընտրված խմբակների պատասխանատուների հետ, խոսեցին հաջողված օրինակների, դպրոցականների վրա թողած դրական ազդեցության, ինչպես նաև աշխատանքի ընթացքում առաջ եկած դժվարությունների ու դրանց հաղթահարման ուղիների մասին։