«Կոնֆլիկտների կառավարում» թեմայով դասընթացներ անցկացվեցին ԿՀԶ ՀԿ շահառու Կարմրավան, Կրասար, Նոր Կյանք, Վարդաքար և Գոգհովիտ համայնքներում ձևավորված ֆորում թատրոն խմբակների անդամների համար։ Դասընթացները նպատակ ունեն կոնֆլիկտների կառավարման հիմնական գիտելիքներն ու հմտությունները փոխանցել ներկաներին, որոնք անհրաժեշտ են բոլորին միջանձնային ու ներհամայնքային կոնֆլիկտները խաղաղ ճանապարհով լուծելու համար։ԿՀԶ ՀԿ կրթական բաժնի համադասող Սուսաննա Ղազարյանի կողմից անցկացված ինտերակտիվ ուսուցումն ու խաղերն օգնեցին առավել լավ յուրացնել թեմաները և անմիջական մթնոլորտ ստեղծել մասնակիցների միջև։
Դասընթացներին ներկա էին նաև ֆորում թատրոնների խմբավարներն ու ծնողները, ովքեր կարևորեցին թեման՝ նշելով, որ այն սովորեցնում է համագործակցել միմյանց հետ, կոնֆլիկտներին նայել դիմացինի տեսանկյունից և ուղղորդել այն դեպի խաղաղ հանգուցալուծում։