Ցողամարգ համայնքի ֆորում թատրոն խմբակի անդամների նախաձեռնությամբ բեմականացվեց նոր ներկայացում՝ «Մի կաթիլ մեղրը» խորագրով։ Թեման այս անգամ համայնքի խոնարհված եկեղեցին էր, որը խմբակի անդամները որոշել էին բարձրաձայնել և խնդրին լուծում տալ ներկայացման միջոցով, իսկ վերնագրել էին «Մի կաթիլ մեղրը», քանզի վեճը ծագում է գյուղացիների զրույցից ։ Ներկայացմանը հրավիրված էին համայնքի վարչական ղեկավար Գ․ Բարսեղյանը, ավագանու անդամ Մ․ Ներսիսյանը, դպրոցի ուսուցիչներ, համայնքի տարեց և երիտասարդ ներկայացուցիչներ։ Սցենարում 2 առաջնահերթ գաղափար էր առաջ քաշված՝ գյուղի գազամատակարարման խնդիրն ու կիսավեր եկեղեցու կառուցումը։ Ներկայացումն ընթացավ բովանդակալից ու բուռն քննարկումներով, որին մասնակցում էին թե՛ համայնքի ղեկավարը, թե՛ ավագանին և թե տարեց ու երիտասարդ ներկայացուցիչները։ Արդյունքում ներկաները միաձայն նախապատվությունը տվեցին հոգևոր արժեքների պահպանմանը՝ առաջարկելով լուծման սեփական տարբերակները և համատեղել ողջ համայնքի ջանքերը՝ գործին ընթացք տալու համար։ Ներկայացմանը ներկա էին նաև Մուսայելյան համայնքի նորաստեղծ ֆորում թատրոն խմբակի անդամները, որն իրենց համար նաև վարպետության դաս հանդիսացավ։
Non-governmental Organization