Ձեզ ենք ներկայացնում մեր ամենաակտիվ, ամենանախաձեռնող, ամենապարտաճանաչ երիտասարդական կենտրոններից մեկի՝ Անուշավան համայնքի երիտասարդների կողմից կազմակերպած ամանորյա միջոցառումների շարքը։ Անուշավանի երիտասարդական խմբի անդամները կարողացան ամանորյա ուրախ տրամադրություն պարգևել ոչ միայն իրենց, այլ նաև հարակից 6 համայնքների դպրոցականներին։
Անուշավան համայնքը մեր լավագույն օրինակն է Երիտասարդական կենտրոն-ՏԻՄ-ՀԿ արդյունավետ ու շարունակական համագործակցության։
Դե ինչ ամփոփենք դեկտեմբերի 12-ից մինչ դեկտեմբերի 29-ը ներառյալ Անուշավանի երիտասարդական ակտվի խմբի կատարած աշխատանքերը:
Ակտիվ խմբի երիտասարդները հերթափոխով դեկտեմբերի 12-ից սկսած զարդարեցին, ուրախացրեցին և ամանորյա հրաշք պահեր պարգևեցին Արթիկ համայնքի 6 բնակավայրերի երեխաներին (Անուշավան, Փանիկ, Գետափ, Սպանդարյան, Գեղանիստ Մեղրաշեն):
Ակտիվ խմբի սաներ խմբի ղեկավար Մանե Վարդանյանի, Արթիկի հաայնքապետարանի ներկայացուցիչ Արմեն Քոչարյանի հետ անակնկալ ձևով հայտնվում էին վերը նշված բնակավայրերի միջնակարգ դպրոցներ և ուրախացնում փոքրիկներին, դրա հետ մեկտեղ բաժանում էին գեղեցիկ ամանորյա տոպրակներ փոքրիկներին, որը հովանավորել էր Արթիկի համայնքապետարանը համայնքի ղեկավար’ պարոն Ա. Ոսկանյանի գլխավորությամբ:
Ակտիվ խմիբի սաները ներկայանում էին Ձմեռ պապի, Ձյունանուշի և տարբեր մուլտհերոսների կերպարներով:
Դեկտեմբերի 28-ին ակտիվ խմբի անդամները ներկա գտնվեցին Արթիկի համայնքային տոնական միջոցառմանը, նրանք հանդես եկան տարբեր մուլտհրոսների կերպարներով:
Իսկ արդեն դեկտեմբերի 29-ին ակտիվ խմբի անդամները կազմակերպեցին և անցկացրերցին Անուշավան գյուղի համար գեղեցիկ և անմոռանալի ամանորյա միջոցառում համագործակցելով Անուշավանում գործող ֆորում-թատրոնի մասնակիցների հետ: Միջոցառման խորագիրը կրում էր «Ամանորի շունչը» վերնագիրը: Միջոցառում անցկացվեց Անուշավանի Սուրեն Սոսյանի անվան արվեստի և սպորտի դպրոց ՀՈԱԿ-ում՝ ներգրավելով նաև սաներին:
Միջոցառմանը ներկա էին Արթիկ համայնքապետարանի մշակույթի, սպորտի, երիտասարդների հարցով բաժնի ղեկավար’ տիկին Թադևոսյանը, գլխավոր մասնագետ Անի Գոքորյանը, Անուշավանի վարչական տարածքի ղեկավար՝ պարոն Հակոբյանը, ծնողներ, համայնքի բնակիչներ, հյուրեր այլ համայնքներից:
Հիշեցնենք որ ակտիվ խմբի տղաները իրենց մասնակցությունն են ունեցել նաև Արթիկ քաղաքի ամանորյա զարդարանքերի աշխատանքներում:
Մանիկ Վարդանյան
Անուշավանի Արվեստի դպրոցի տնօրեն,
Անուշավանի երիտասարդական կենտրոնի համակարգող
