Երիտասարդական ակտիվ խումբ ձևավորելու նպատակով ԿՀԶ ՀԿ տեղական համակարգող Մանե Վարդանյանի նախաձեռնությամբ տեղի ունեցավ հանդիպում Նոր Կյանք Նոր Կյանք բնակավայրում։ Մանեն հանդիպման մասնակիցներին է ներկայացրել 2018թ․-ին ձևավորված և մինչ այսօր ակտիվ գործունեություն ծավալող Անուշավանի երիտասարդական ակտիվ խմբի փորձն ու գործունեությունը, խոսել անցած ճանապարհի մասին, ինչպես նաև կենտրոնի դժվարությունների, հաջողությունների ու ձեռքբերումների մասին։
Հանդիպմանը ներկա երիտասարդները մեծ հետաքրքրություն են ցուցաբերել և պատրաստակամություն հայտնել ակտիվորեն մասնակցել նոր ձևավորվող երիտասարդական խմբի աշխատանքներին և իրենց նպաստը բերել սեփական համայնքի զարգացման կարևորագույն գործին։
Նման ձևաչափով հանդիպումներ անցկացվելու են նաև ԿՀԶ ՀԿ շահառու նոր բնակավայրերում, որոնք միտված են մոտիվացնելու և նորաստեղծ Ռեսուրս կենտրոնների աշխատանքներում ներգրավելու երիտասարդներին ու համայնքների բնակիչներին։