«Սարապատ ԳԻՏԽ» ՀԿ նախաձեռնությամբ սեպտեմբերի 3-ին Արփենի բնակավայրում կազմակերպվեց «Բացահայտիր քո տաղանդը» խորագրով միջոցառում, որին իրենց մասնակցությունը բերեցին ԿՀԶ ՀԿ շահառու Թորոսգյուղ, Մուսայելյան, Արփենի, Ցողամարգ և Սալուտ համայնքների 3-15 տարեկան թվով 45 երեխաներ։
Մրցույթը նպատակ ուներ բացահայտել դպրոցական տաղանդներին, խրախուսել նրանց նախասիրությունները, սովորեցնել առողջ մրցակցության, ինչպես նաև ամրապնդել կապը հարևան համայնքների միջև։
Յուրաքանչյուր համայնքից մասնակիցներն հանդես եկան տարատեսակ համարներով՝ երգ ու պարից, ասմունքից ու դհոլից մինչև մենթալ թվաբանություն ու պարային բեմականացում ․․․
Մրցույթի ավարտին մասնակիցները պարգևատրվեցին պատվոգրերով, իսկ հիշարժան օրն ամփոփվեց միասնության շուրջպարով։
Միջոցառմանը մասնակցում էին նաև ծնողներ, Արփենի համայնքի վարչական ներկայացուցիչը, համայնքի բնակիչներ և այլ հյուրեր, ովքեր ողջունեցին երիտասարդների նախաձեռնությունը և առաջարկեցին, որպեսզի նմանատիպ միջոցառումները շարունակական լինեն։