Օրերս Լանջիկի համայնքային կենտրոնում տեղի ունեցավ շնորհանդես-միջոցառում, որը նպատակ ուներ համայնքին ներկայացնել 7-12 տարեկան 26 երեխաներից ձեվավորված նոր պարի խումբը: Խումբն ունի 4 ամսվա պատմություն, սակայն այդ կարճ ժամանակահատվածում արհեստավարժ պարուսույցի՝ Ռուզաննա Փահլեվանյանի օգնությամբ երեխաները կարողացել են յուրացնել հայկական, սլավոնական եվ սպորտային պարերի մի քանի համարներ:
Երեխաների բեմական հագուստները մոդելավորվել եվ կարվել են «Կանայք հանուն զարգացման» ՀԿ ֆինանսական աջակցությամբ: Հագուստների ձեռք բերման գործում իր ներդրումն է ունեցել նաեվ Լանջիկի համայնքապետ Արա Մարդոյանը:
Միջոցառմանն իրենց մասնակցությունն էին բերել նաեվ Լանջիկի պարի խմբի ավագ սաներն ու սիրված մուլտֆիլմերի հերոսները, ովքեր իրենց ուրախ ու աշխույժ համարներով ամբողջական դարձրեցին տոնական միջոցառումը:
[fbalbum url=”https://web.facebook.com/media/set/?set=a.928597970547974.1073741935.158335984240847&type=1″]