Ապրիլի 25-30 Ցողամարգի Համայնքային կենտրոնի կամավոր Արփինե Նիկոլյանը Վայոց ձորի Հերմոն գյուղում մասնակցեց «Ինքներս կերտենք մեր ապագան» խորագրով սեմինարին, որը կազմակերպել էր «Սյունիք-Զարգացում» հասարակական կազմակերպությունը՝ «Երիտասարդները շարժման մեջ» ծրագրի շրջանակներում:
Սեմինարին մասնակցում էին Հայաստանի, Վրաստանի, Գերմանայի, Իսպանիայի, Շվեյցարիայի եվ Ուկրաինայի թվով 24 երիտասարդներ: Դասընթացը նպատակ ուներ խթանել տարբեր երկրների գյուղական համայնքների երիտասարդների կարողությունների ու քաղաքացիական ակտիվության զարգացումը: Դասընթացը վարում էին Աննա Եղոյանը Հայաստանից եվ Եկատերինա Շերերը Իսպանայից, ովքեր երիտասարդների հետ աշխատանքում ունեցած իրենց փորձը փոխանցեցին ծրագրի մասնակիցներին:
Ծրագիրը կազմված էր հետեվյալ մասերից.
– Ճանաչել միմյանց ու իմանալ պատմությունը, ստեղծել տարբեր երկրների գյուղական համայնքների երիտասարդների փոխըմբռնման խումբ եվ փորձի փոխանակման ու երկրի սոցիալ-տնտեսական իրավիճակից դուրս գալով գտնել համագործակցության ուղիներ:
– Հասկանալ ու գիտակցել առաջնորդի դերը, տիրապետել հմտությունների, որոնք կօգնեն սեփական համայնքներում ավելի արդյունավետ ներգրավել ու ակտիվացնել երիտասարդներին՝ համայնքին հուզող խնդիրները բարձացնելու եվ լուծելու գործում, ձեռք բերել ծրագրերի կառավարման ու ստեղծագործ մոտեցման գիտելիքներ:
– Մասնակիցներից յուրաքանչյուրի համայնքի համար մշակել կոնկրետ գործիքներ ու մեթոդներ՝ երիտասարդների մասնակցությունը բարձրացնելու համար:
– Կազմել սեփական գործողությունների ծրագիր՝ պլանավորելու համար հետագա քայլերն ու գնահատելու դասընթացի արդյունավետությունը:
Սեմինարի ընթացքում կազմակերպվեց նաեվ մշակութային երեկո եվ հյուրասիրություն, որի ժամանակ մասնակիցները հնարավորություն ունեցան ներկայացնելու իրենց երկիրը, մշակույթը, ազգային արժեքները, երաժշտությունն ու խոհանոցը, ինչը մասնակիցներին օգնեց ավելի լավ պատկերացնելու յուրաքանչյուր երկրի առանձնահատկություններն ու մշակութային բազմազանությունը: Երեկույթին ներկա էին Վայոց ձորի մարզպետը, մարզպետարանի աշխատակազմի պատասխանատուներ, Վայոց ձորի թեմի առաջնորդը, համայնքների ղեկավարներ ու հասարակական կազմակերպությունների ներկայացուցիչներ:
[fbalbum url=”https://www.facebook.com/media/set/?set=a.638583779549396.1073741889.158335984240847&type=3&uploaded=14″ slider=”1″]