Մեկնարկեց “CapSLoc․ Կարողունակ և կայուն համայնքահեն զարգացում” եռամյա ծրագիրը

ԱՄՆ ՄԶԳ աջակցությամբ  և ՀԿ Կենտրոնի կողմից առաջնորդվող «CapSLoc․ Կարողունակ և կայուն համայնքահեն զարգացում» եռամյա ծրագրի նպատակն է մեծացնել Ախուրյան խոշորացված համայնքի կարողությունները և կայունությունը՝ իր զարգացումն առաջ տանելու համար։

Համայնքի զարգացումը կենսական նշանակություն ունի ցանկացած հասարակության կայունության և աճի համար: Այն ենթադրում է համայնքներին սեփական զարգացման պատասխանատվությունը ստանձնելու իրավասություն։

Երբ համայնքների բնակիչները ներգրավված են իրենց համայնքների զարգացման մեջ, ավելի հավանական է, որ նրանք իրենք իրենց վրա կվերցնեն արդյունքների պատասխանատվությունը և կդրսևորեն սեփականատիրական վերաբերմունք, ինչը կհանգեցնի ավելի կայուն և երկարատև արդյունքների:

Բնակիչների ներգրավումը սեփական համայնքների զարգացման մեջ նաև նպաստում է սոցիալական համախմբվածությանը, ներառականությանը և հզորացմանը: Միասին աշխատելով ընդհանուր նպատակի ուղղությամբ ստեղծվում են ավելի ուժեղ և դիմացկուն համայնքներ:

CapSLoc ծրագիրն ընդհանուր առմամբ ուղղված է համայնքի զարգացմանը, որում էական նշանակություն ունի կայուն և ներառական հասարակության ստեղծումը։ Այս նպատակին հասնելու համար իրենց ջանքերը մեկտեղել են Հայաստանում գործող հինգ հասարակական կազմակերպություններ, որոնք առաջիկա երեք տարիների ընթացքում համատեղ գործունեություն են ծավալելու։

CapSLoc համընկերության անդամ կառույցներն են՝

• «ՀԿ կենտրոն» քաղաքացիական հասարակության զարգացման ՀԿ 
• «Ուրբան» կայուն զարգացման հիմնադրամ
• «Կանայք հանուն զարգացման» ՀԿ
• «Հայկական Կարիտաս» բարեսիրական ՀԿ
• «Կոմպասս» գիտահետազոտական, կրթական եւ խորհրդատվական կենտրոն» ՀԿ

«CapSLoc․ Կարողունակ և կայուն համայնքահեն զարգացում» ծրագիրն իրականացվում է Ամերիկայի ժողովրդի աջակցությամբ` ԱՄՆ Միջազգային զարգացման գործակալության (ԱՄՆ ՄԶԳ) միջոցով:

«CapSLoc․ Կարողունակ և կայուն համայնքահեն զարգացում» ծրագիրն իրականացվում է «ՀԿ Կենտրոն» քաղաքացիական հասարակության զարգացման ՀԿ-ի կողմից՝ «Ուրբան» կայուն զարգացման հիմնադրամի, «Կանայք հանուն զարգացման» ՀԿ-ի, «Հայկական Կարիտաս» բարեսիրական ՀԿ-ի և «Կոմպասս» գիտահետազոտական, կրթական եւ խորհրդատվական կենտրոն» ՀԿ-ի հետ համատեղ։

#USAID #NGOC #UrbanFoundation #WFD #ArmenianCaritas #ԱխուրյանՀամայնք #ՀամայնքայինԶարգացում #ՏեղականԻնքնակառավարում #մասնակցություն