22.02.2021
«Կանայք հանուն զարգացման» ՀԿ-ն «Շիրակի մարզի գյուղական համայնքներում աղքատության կրճատմանն ուղղված հնարավորությունների ստեղծում՝ տեղական դերակատարների հզորացման միջոցով» ծրագրի շրջանակներում հայտարարում է սոցիալական ծրագրերի դրամաշնորհային մրցույթ։
Մրցույթին կարող են դիմել միայն «Սարապատ» ԳԻՏԽ շահառու՝ Թորոսգյուղ, Արփենի, Ցողամարգ, Գոգհովիտ, Հողմիկ, Սարապատ, Սալուտ և Փոքր Սարիար բնակավայրերում գործող հասարակական կազմակերպությունները, երիտասարդական խմբերը, ինչպես նաև համայնքային ֆորմալ և ոչ ֆորմալ խմբերի ներկայացուցիչները։
Դրամաշնորհային ծրագրերի նպատակն է աջակցել Սարապատ միավորված համայնքի կայուն զարգացմանը՝ բարելավելով շահառու համայնքների բնակիչների կյանքի որակը իրականացվող սոցիալ-մշակութային ծրագրերի միջոցով։ Մրցույթին ներկայացվող ծրագրերը պետք է ապահովեն տնտեսական, սոցիալական և մշակութային օգուտներ Սարապատի բնակչություն, տեղական բիզնեսի, տուրիզմի և քաղաքացիական հասարակության կառույցների համար։ Ֆինանսավորվող բոլոր ծրագրերը պետք է համապատասխանեն համայնքի զարգացման ռազմավարության մեկ կամ մի քանի առաջնահերթությունների։
1-ին փուլի համար Հայտատուից պահանջվում է լրացնել Նախնական գաղափարի ձևանմուշը և այն ներկայացնել «Կանայք հանուն զարգացման» ՀԿ Համայնքային զարգացման ծրագրերի պատասխանատու Արմինե Շիրոյանին՝ sarapatlag@gmail.com էլեկրոնային հասցեին ամենաուշը մինչև ս/թ մարտի 2, ժամը 18։00։
Յուրաքանչյուր համայնք կարող է ներկայացնել մեկից ավելի գաղափարներ։
Վերջնաժամկետից ուշ ներկայացված հայտերը չեն ընդունվում:
Ծրագրի մշակման ընթացքում առաջացած հարցերի դեպքում կարող եք գրել վերը նշված էլեկտրոնային հասցեով։
Ծրագրի նախնական գաղափարի ներկայացման ձևանմուշ